Florence Alice Lubega

Florence Alice Lubega (5 Ogwekkuminogumu 1917 – 28 Ogwekkumi 2021) yali munnabyabufuzi wa Uganda era omukyala eyasooka okwegata ku Paalamenti ya Uganda ey'etongodde mu Gwokutaano 1962. Yali omu ku bakazi ey'asooka okubeera mmemba abaga amateeka ga Uganda, mu kakiiko akabaga amateeka (LEGCO).Era yali mmemba mu Paalamenti ya Ugandan eyasooka, era Minisita omubeezi ow'ebyenkulakulana n'emirimu.

Obuto bwe n'emisomo gye

Florence Lubega yali muwala wa Katikkiro wa Buganda Samuel Wamala ne Erina Nantongo.

Yasomesebwa mu Gayaza Girls' School ng'atannaba kwegata ku ssomero ly'abasomesa erya Buloba Teachers' College. Oluvanyuma ye yali omukyala eyasooka okukkirizibwa mu Makerere College School nga tanegatta ku Oxford University. Ng'amaliriza emisomo gye egya Yunivasite mu 1946, yakomawo okusomesa Olungereza ku Makerere University.

Ebimukwatako eby'omunda

Florence Lubega yali mufumbo eri Saulo Lubega, omusomesa ku ssomero lya Mityana secondary school era eyali Minisita w'ebyensimbi mu Gavumenti ya Buganda Florence Lubega yawangaala okusinga abaana be era nga yalina banyinaze bana omwali ; omugenzi Israel Magembe Wamala [eyali omuyimbi] ow'e Nakasajja mu Kyaggwe, Wamala Steven Ssempasa, awangalira mu Bungereza, Paul Musoke Wamala, eyali akwasaganya by'obulambuzi era ng'abeera mu Luzira, n'omugenzi Wamala Herbert Dagirira.

Yafa nga 28 Ogwekkumi 2021, ng'ebula sabiiti emu okutuuka ku mazaalibwa ge ag'emyaka 104.

Ebijuliziddwamu eby'ebweru wa Wikipediya

• MP wa Uganda omukazi eyasooka aweza emyaka 100
• Abakulembeze abaggya abakyala b'anatambuza omukululo?