Raphael p'Mony Wokorach

 

Raphael p'Mony Wokorach, MCCJ musumba wa Ekezia era mmemba w'ekibiina kya Comboni Missionaries of the Heart of Jesus, eyalondebwa okuba Omusumba w'essaza ly'e Nebbi, mu Uganda, nga 31 Ogwokussatu 2021. Yalondebwa okubeera Ssaabasumba w'essaza ly'e Gulu nga 22 Ogwokussatu 2024.

Obulamu bwomubuto n’obusaserdooti

Wokorach yazaalibwa nga 21 Ogwoluberyeberye 1961, ku kyalo Ojigo e Wadelai, mu ssaza lye Arua mu Disitulikiti ya Arua mu kitundu kya West Nile, mu mambukka ga Uganda.

Yasomera mu Ragem Primary School, nga tannayingira Seminariyo ya Saints Peter and Paul Minor (Preparatory) e Pokea, mu Arua, n’asoma Sayansi, Okubala, Social Studies n’Olulattini okuva mu 1975 okutuuka mu 1979, olw’okusoma kwe okwa O-Level. Yakyuka n’agenda mu ssomero ly’ekisulo erya balenzi bokka erya, St. Joseph’s College Ombaci, nalyo eriri mu Arua, gye yamaliriza okusoma kwe okwa A-Level, n’atikkirwanga mu 1982, n’ekyenkana dipulooma ya siniya .

Wakati wa 1983 ne 1987, Wokorach yasoma obufirosoofo mu Uganda Martyrs’ National Major Seminary Alokolum, e Gulu, Uganda . Mu 1987, yaweebwa diguli ya Bachelor of Arts mu by’obufirosoofo, okuva mu Pontifical Urban University, mu kibuga Rooma. Yagenda mu maaso n'okusoma kwe e Kenya, n'afuna diguli eyookubiri mu by'obufirosoofo okuva mu Catholic University of Eastern Africa mu 1994.

Ye mmemba w’ekibiina ky’Abaminsani ekya Comboni Missionaries of the Heart of Jesus (Olulattini: Missionarii Comboniani Cordis Iesu), era nga kimanyiddwa nga Comboni Missionaries of the Sacred Heart, Verona Fathers, oba the Sons of the Sacred Heart of Jesus, era mu kusooka bayitibwa Sacred Heart of Jesus(Congregatio Filiorum S. Cordis Iesu), ekitongole ky’eddiini eky’abasajja eky’amatekka; bammemba b’ekibiina kino, ekimanyiddwa nga Comboni bokka,bebalina ennukuta MCCI. Yatandikibwawo nga 1 Ogwomukaaga 1867 Omusaserodooti Omuyitale Daniel Comboni.

Wokorach yatuuzibwa ku busaserodooti nga 25 Ogwomwenda 1993 mu Wadelai Parish, mu ssza lye Arua, nga yatuuzibwa Martin Luluga, Omusumba w’e Gulu mu kiseera ekyo. Yaweereza nga omusaserodoti mu ssaza ly'Eklezia ery'e Nebbi, okutuusa nga 31 Ogwokussatu 2021.

Nga omusumba

Yalondebwa okuba omusumbanga 31 Ogwokussatu 2021 nga yalondebwa Paapa Francis . Yadda mu bigere by’Omusumba Sanctus Lino Wanok, eyaweereza ng’Omusumba w’e Nebbi okuva nga 8 Ogwokubbiri 2011 okutuuka nga 23 Ogwekkuminogumu 2018, bwe yakyusibwa n’atwalibwa mu ssaza ly’e Lira ng’Omusumba. Mu kiseera omusumba e Nebbi bwe yali taliiwo (2018 okutuuka 2021), Monsignor Emmanuel Odaga yaweereza ng’Omulabirizi w’Obulabirizi. Asuubirwa okutuuzibwa ku busumba bw'essaza ly'e Nebbi nga 14 Ogwomunana 2021.

Wokorach yatukuzibwa okuba omusumba nga 14 Ogwomunana 2021, mu Immaculate Heart of Mary Cathedral, Nebbi, mu ssaza ly’Abakatuliki e Nebbi nga yatuuzibwa Ssaabasumba John Baptist Odama, Ssaabasumba w’essaza ly’e Gulu , ng’ayambibwako Ssaabasumba Luigi Bianco, Titular Archbishop of Falerone nomuyambi wa paapa mu Uganda, Omusumba Giuseppe Filippi, MCCI, Omusumba w’essaza ly’Abakatuliki ery’e Kotido n’OmusumbaSanctus Lino Wanok, Omulasumba w’Essaza ly’Abakatuliki ery’e Lira . Okutuuzibwa kwe nga Ssaabasumba w’e Gulu kutegekeddwa ku Ssande nga 14 Ogwomusanvu 2024, mu Lutikko ya St. Joseph, Gulu .Yafuna pallium – akabonero k’obuyinza bwe nga ssaabasumba w’essaza ekikulu – okuva ewa Paapa Francis nga Ogwomukaaga 29, Solemnity of Saints Peter and Paul, mu kibuga Rooma.

Laba nabino

• Abajulizi ba Uganda
• Obukatoliki bwa Roma mu Uganda