Zziwa Kennedy

 

Zziwa Kennedy Katebalirwe (yazaalibwa 19 Ogwokuttano 1987) musajja mukulu mu Uganda omukugu mu kukola n'okusiba enviiri . Ye Mudukanyi wa Hair by Zziwa, situdiyo y’enviiri mu Uganda.

Obulamu bwomubuto

Zziwa Kennedy yazaalibwa nga 19 Ogwokuttano 1987 e Ibanda mu disitulikiti y’e Wakiso. Yasomera mu Kampala Nursery School (1991–1993), Buganda Road P/S (1994–2000), ne Lubiri SS Ku Makerere University, yafuna diguli mu by’okukozesa kompyuta (2007–2011).

Omulimu

Mu 1998, Kennedy yatandika okuzannya katemba n’abazannyi ba katemba aba Ebonies. Yazannya mu mizannyo gya ttivvi mingi egy’ekibiina kino omuli Diamond ring, Bibawo, ne That’s Life Mwatu, Kitobero Alacat .

Emirimu gye mu by’okusiba enviiri gyatandika mu 2010, bwe yeewandiisa mu Tina Bchool of beauty mu Kampala. Oluvannyuma lw’okumala akaseera katono ku ssomero lino, yagenda mu maaso n’aggulawo saluuni ye eyasooka, ekizimbe eky’ekiseera, e Gayaza. Kino yaggulwawo ng’akozesa akatono ke yatereka okuva mu biseera bye eby’okusoma mu ttendekero ekkulu.

Mu Ggwekkumi 2015, Kennedy yatandikawo situdiyo ya Hair by Zziwa, webawundira enviiri n’enjala nga lisangibwa ku Krisna Mart mall, Kampala.

Mu Uganda, akoze ne bassereebu abakulu n’abantu abamanyiddwa ennyo, omuli Winnie Byanyima, Iryn Namubiru, Judith Heard, Jose Chameleone, Bebecool, Leila Kayondo, Brian Ahumuza, Kim Swagga, Designer ow’e South Africa David Tlale, Deborah Vanessa owa Ghana, . Miss Vimbai, Juliana Kanyomozi, Vera Sidika, Deedan Rema Namakula, Omumbejja Nassolo owa Buganda, Nancy Kacungira ne Seanice Kacungira .

Atongozza layini y’ebintu ebigaziya enviiri z’abantu n’ebyanguya okukula kw’enviiri.

Okusiimibwa

Kennedy afunye okusiimibwa n’engule nnyingi mu Uganda n’ebweru w’eggwanga. Abadde alabikira mu magazini ya Beijing Kids . Engule z’afunye mulimu zino wammanga: Best Urban hairstylist in Beijing (2015), Best African Hairstylist (2013), and Hairstylist of the Year (ASFAS 2016).