Bukedea (disitulikit)

Bukedea disitulikiti

Bukedea District

Bukedea District kitundu ku ggwanga Uganda era nga esangibwa mu buvanjuba bweggwanga lino. Ekitebe ekikulu ekya disitulikiti eno eri mu kitundu kya Teso kisangibwa mu kabuga Bukedea era wano wewava erinnya lyayo distulikiti eno yasalwa ku Kumi mu mwaka 2006.

Omuwendo gwabantu

Okusinziira ku byava mu kubala abantu okwakolebwa ekitongole ky'ebibalo mu Uganda ki UBOS mu mwaka 2024, Bukedea erimu abantu emitwalo 283,166 nga kubano 144,505 bakyala ate nga 138,661 baami.

Enkulakulana

Yadde nga Disitulikiti ya Bukedea esobola okubalibwa nga emu ku ezo eziri mu byalo kuba yesudde kiromita 285 okuva mu kampala ekibuga ekikulu ekya Uganda, Disitulikiti eno erimu ebifo ebiwerako eby'oleka enkulakulana. Kuno kuliko Eddwaliro ewasomesezebwa abasawo li Bukedea teaching hospital, ekisaawe ky'ebyemizannyo ki Bukedea Sports Complex kino nga wewazannyirwa emizannyo gyamasomero mu bugwanjuba bwa Afirika mu mwaka 2024, wamu n'essomero li Amus College School nga lino lyegulidde erinnya mu byemizannyo ensangi zino.

Ebyobufuzi

Sipiika Anita Among omu ku babaka ba paalimenti abava e Bukedea

Bukedea oluvannyuma lw'omubaka Omukyala ajikikiirira Rt. Hon. Anita Annet Among okufuuka omukubiriza wa Paalimenti ya Uganda nga asikira omugenzi Jacob Oulanyah yafuukira ddala entabiro y'ebyobufuzi era abakungu abamaanyi mu byobufuzi by'eggwanga Uganda nebakyalayo kko. Kubatabuusibwa maaso kuliko Pulezidenti wa Uganda Kennyini Gen.Yoweri Kaguta Museveni Tibuhaburwa, mutabani we era omuduumizi w'amagye ga Uganda Gen. Muhoozi Kainerugaba, kwossa n'ababaka ba paalimenti ne ba minisita abeetaba mu bunji mu kuggulawo enju ya Sipiika Among kukyalo Aereere mu ggombolola Kamutur mu mwaka 2023