Abdallah Mubiru

Abdallah Mubiru munna Uganda omutendesi w'omupiira mu Uganda era nga yaliko omuzannyi w'omuzannyo guno gwegumu ngatannawumula. Mu budde buno Mubiru yemutendesi wa Kiraabu ya KCCA FC ezannyira mu liigi ya Uganda ey'okuntikko. Ono era yatendekako ne ttiimu endala ez'enjawulo mu liigi emu kwosssa n'ebweru wa Uganda. Mubiru ne ttiimu y'eggwanga enkulu yajitendekako.

Obuto bwe n'emisomo

Abdallah Mubiru mutabani w'omwami Abdallah Nsubuga n'omukyala Amina Nakibuuka era yazaalibwa mu mwaka 1975. Okusoma yakutandikira ku Kanyange Primary School oluvannyuma gyeyava okwegatta ku Kibuli Secondary School . Obuyigirize bwe mu byokutendeka omupiira buli ku ddaala erya layisinsi eya CAF A.

Nga omuzannyi w'omupiira

Mubiru mu biseera bye nga omuzannyi w'omupiira yazzannyanga mu makkati g'ekisaawe era nga yayolesanga obuvunaanyizibwa ku kisaawe mu kifo ekyo. Mubiru Yazannyirako mu KCCA FC, era nga eno yali omu ku bazannyi abatambulirwangako ensonga KCCA bweyali ewangula ekikopo kya liigi ya Uganda mu mwaka 1997. Kiraabu eno Yagizannyira okuva mu 1996 okutuuka mu 1998. Omutindo Mubitu gweyayolesa gwamuviirako okuyitibwa okuzannyira ttiimu ya Uganda eya Cranes okuva mu 1993 okutuusa 1995.

Omulimu gw’obutendesi

Mubiru okutendeka omupiira yakutandika mu mwaka 2012 ku kiraabu ya Proline FC nga 3 Ogwolubereberye 2012, era najitendeka okutuusa nga r 27 Ogekkumi 2013. Mu mwaka 2014, Mubiru yegatta KCCA FC okujitendeka nga 26 Ogwekuminogumu 2014, okutuuka nga 30 Ogwomukaaga 2015. Nga 18 Ogwomusanvu 2016, Mubiru yalondebwa kubutendesi bwa Vipers SC kyokka nga wano teyalwawo kuba ennaku z'omwezi 4 Ogwekuminebiri 2016 yali amaze okuva ku bukulu buno. Mubiru bwava ku Vipers SC yeegatta ku Police FC 20 Ogwekuminebiri 2016 okutuusa mu Gwokuna nga 13 2022 era nga guno gwegumu kumulimu gw'obutendesi Mubiru gwakyasinze okuwangaalirako. Mu 2023, Abdallah yalondebwa okumyuuka omutendesi wa ttiimu y'eggwanga Uganda eyabakyala eya Crested Cranes kyokka Mubiru obuvunaanyizibwa buno yabugaana olwensonga ez'obuntu.

Nga omutendesi wa Mbeya City

Mubiru yaliko omutendesi mu liigi y'eggwanga lya Tanzania ku kiraabu ya Mbeya City okuva mu mwaka 2022 okutuuka mu 2023 kyokka yadde wano teyalwawo nnyo yafuna okusoomozebwa okwamanyi Bino byaliwo mu mupiira ogw'okusunsula aneetaaba mu liigi ya Tanzania Premier League sizoni eddako wakati wa Mbeya City (eyali erwana obutasalwako), ne Mashujaa FC (eyali erwana okulinnya mu liigi enkulu) mu kisaawe e Sokoine e Mbeya. Mashujaa FC yateeba goolo mu ddakiika ya 87 era olw'essanyu eringi abazannyi, abatendesi, kwossa nabakugu abalala baasituka mu bifo byabye okugenda okujaganya n'omuteebi wa ggoolo John Mudeba. Oluvannyuma lw'okujaguza, abatendesi bwebaali badda mu bifo byabwe, omutendesi w'abakwasi ba ggoolo owa Mashujaa FC yalumba Mubiru n’amukuba ekikonde mu feesi era bwatyo Mubiru nagwa wansi nga akutte mu feesi. Yadde bino byali bityo, Mashujaa FC yanyweza goolo yaayo era omupiira neguggwa goolo 1-0 bwetyo Mbeya City Mubiru gyeyali atendeka n'esalibwako okuva mu liigi gyeyali emazeemu emyaka 12 ate yo Mashujaa Fc nesumusiibwa okujja mu liigi ya Tanzania Premier .

Okutendeka ttiimu y'eggwanga Uganda

Mubiru omulimu gw'obutendesi tagukola ku kiraabu zokka wabula ne ku tiimu z'eggwanga atendeka era nga obuvaanyizibwa buno yabukola ku tiimu ya Uganda enkulu okuva nga 30 Ogwomwenda 2019 nga omu ku bamyuka b’omutendesi Milutin Sredojević (Micho) mu kiseera ekizibu Uganda weyazannyira emipiira egy’okusunsulamu abalizannya mu FIFA World Cup . Ono era yali akozeeko nga omutendesi ow'ekiseera emirundi ebiri ku tiimu yemu era nga omulundi ogwasooka gwaliwo wakati wa 10 Ogwomusanvu 2019 okutuuka nga 30 Ogwomwenda 2019 ate ogwokubiri nga 2 Ogwokusatu 2021 okutuusa 16 Ogwokuna 2021.

Mu mwezi Ogwekuminogumu 2023, Mubiru yaddayo mu kiraabu ya KCCA FC ng’omutendesi omukulu.